Իսպանիայի հավաքականի հարձակվող Ալվարո Մորատան, ով վերադարձել է Մադրիդի «Ռեալ», հրաժեշտ է տվել «Յուվենթուս»-ին։
«Ինձ համար բարդ է գրել այս հաղորդագրությունը։ Շնորհակալ եմ բոլոր նրանց, ովքեր «Յուվենթուս»-ում հավատացել ու սատարել են ինձ։ Շնորհակալ եմ նրանց, ովքեր ինձ հետ աշխատել են այնտեղ։ Իհարկե, շնորհակալ եմ նաև «Յուվենթուս»-ի աշխարհասփյուռ երկրպագուներին, որոնք հիանալի աջակցություն են ցուցաբերում։
«Յուվենթուս»-ը, նրա պատմությունն ու դուք բոլորդ ընդմիշտ կմնաք իմ սրտում։ Որտեղ էլ լինեմ, ինձ միշտ «յուվենտինո» եմ զգալու և հպարտ ու բարձրաձայն ասելու եմ, որ պաշտպանել եմ «Յուվենթուս»-ի գույները»,- գրել է Մորատան։
