Հնդիկ լրագրող Նարայան Պարգայան ջրհեղեղի ավերիչ հետևանքների մասին պատմող ռեպորտաժը պատրաստել է բնական տարերքից տուժած տղամարդու ուսերին նստած:
Ռեպորտաժը բացասական արձագանք է ստացել համացանցում՝ այն բնութագրվել է որպես «անմարդկային», «ամոթալի»:
«Այդ մարդու տուն առաջին անգամ էր եկել իմ մակարդակի ինչ-որ մեկը: Այդ իսկ պատճառով նա ինքն ինձ առաջարկեց օգնել անցնել գետը՝ ինձ տանելով իր ուսերին: Ես այդ ժամանակ մտածում էի ռեպորտաժի մասին»,- ասել է լրագրողը Huffington Post-ին:
Լրագրողը պնդում է, որ բնակիչն իր այդ քայլով պարզապես իր հանդեպ հարգանք է արտահայտել, սակայն խոստովանել է, որ այդ պահին հարկավոր չէր ռեպորտաժ նկարահանել:
«Կադրը պետք է ցույց տար միայն կրծքիս հատվածը: Դա եղել է օպերատորի սխալը»,- ասել է նա:
