ՀԱՊԿ գլխավոր քարտուղար Նիկոլայ Բորդյուժան այսօր Երևանում բացահայտեց Ադրբեջանին 1 մլրդ դոլարի զենք վաճառելու ՌԴ ռազմավարությունը:
«Դա բիզնես է, դա շուկա է, դա ՌԴ-ի տնտեսությունն է»,- լրագրողների հետ ճեպազրույցում հայտարարեց Բորդյուժան`պատասխանելով լրագրողների հարցին, թե արդյոք Ռուսաստանի քայլը չի՞ հակասում դաշնակցային հարաբերություններին:
«Ռուսաստանի Դաշնությունը զենքի ամենամեծ արտադրողներից և մատակարարներից է: ՌԴ-ն զենք է վաճառում տասնյակ երկրների, այդ թվում՝ և ոչ ՀԱՊԿ անդամներին»,- հայտարարեց Բորդյուժան:
Ավելի ուշ քաղաքական ֆորումի մասնակից, ԳԱԱ անդամ Հովհաննիսյանի հարցին, թե ՌԴ-ն որպես դաշնակից՝ տեղյակ պահե՞լ է Հայաստանին իր այդ գործարքի մասին, Բորդյուժան չպատասխանեց՝ հայտարարելով. «Իմ կարծիքով` Ռուսաստանն առանց այդ էլ շատ բան է անում Հայաստանի համար»:
