Թուրքական Haber7 լրատվական կայքի փոխանցմամբ` քրդամետ «Ժողովուրդների դեմոկրատական» կուսակցությունը (ԺԴԿ) Twitter-ի իր միկրոբլոգում հրապարակել է երկրի նախագահ Ռեջեփ Էրդողանի խնդրահարույց դիպլոմը:
ԺԴԿ-ն ընդգծել է, որ Էրդողանի դիպլոմը ստացվել է Բարձրագույն ընտրական խորհրդից (YSK), որը ավելի վաղ մերժել էր Էրդողանի դիպլոմի հարցը հետաքննելու մասին դիմումը:
ԺԴԿ-ն խոստացել է շարունակել իրավական պայքարը` պարզելու համար Էրդողանի դիպլոմի կեղծ կամ իրական բնույթը:
Ավելի վաղ հաղորդվել է, որ Էրդողանի դիպլոմը կարող է դառնալ նրա հրաժարականի պատճառ: Պաշտոնական տվյալներով՝ Էրդողանը 1981 թվականին ավարտել է Մարմարայի համալսարանի Տնտեսական և առևտրային գիտությունների ֆակուլտետը: Մարմարայի համալսարանից, սակայն, հայտնել են, որ նման անվանումով ֆակուլտետ համալսարանը երբեք չի ունեցել, իսկ Տնտեսական և վարչական գիտությունների ֆակուլտետը հիմնադրվել է 1982 թվականին:
