Ֆլորիդա նահանգի Օռլանդո քաղաքի իշխանությունները հայտարարել են, որ տարեկան քաղաք այցելող մարդկանց թիվը ավելացել է մինչև 66 միլիոն՝ գրում է Daily Mail-ը: Այդ ցուցանիշը ԱՄՆ զբոսաշրջության ոլորտի համար ռեկորդային է, ինչը Օռլանդոյին թույլ է տվել հաճախակի այցելվող ամերիկյան քաղաքների մեջ երկրորդ տարին անընդմեջ զբաղեցնել առաջին տեղը:
Օռլանդոյի զբոսաշրջային բյուրոյի ներկայացուցիչների խոսքով՝ դա պայմանավորված է մի շարք գործոններով: Մասնավորապես, մարդկանց գրավելու հզոր խթան է դարձել այնպիսի ատրակցիոնների բացումը, ինչպիսիք են «Հարի Փոթերի կախարդական աշխարհը», «Շեղ նրբանցք» և «Ուոլթ Դիսնեյի աշխարհը» թեմատիկ պարկերը:
