Մադրիդի «Ռեալ»-ի խորվաթ ֆուտբոլիստ Լուկա Մոդրիչը հերքել է իր՝ «Չելսի» տեղափոխության մասին լուրերը:
Հիշեցնենք, որ ըստ ավելի վաղ հայտնված տեղեկատվության՝ «Արքայական ակումբ»-ի նախկին գլխավոր մարզիչ Ժոզե Մոուրինյոն, ով այժմ գլխավորում է լոնդոնյան թիմը, ցանկանում էր ֆուտբոլիստին տեսնել իր նոր ակումբում:
«Չեմ մտածել անգամ «Ռեալ»-ը լքելու մասին՝ չնայած այլ ակումբների կողմից ստացած ուշադրությանը: Ֆուտբոլ խաղացող ցանկացած երեխա երազում է հանդես գալ «Արքայական ակումբ»-ում: Նույն երազանքը նաև ես եմ ունեցել:
Իհարկե, ես տխրեցի, երբ հեռացավ Մոուրինյոն, քանի որ նա այն մարդն էր, ով ցանկանում էր տեսնել ինձ «Ռեալ»-ում: Նա ֆանտաստիկ մարզիչ է, ուրախ եմ, որ բախտ է վիճակվել աշխատել Մոուրինյոյի հետ.,- ֆուտբոլիստին մեջբերում է The Sun-ը:
Հիշեցնենք, որ խորվաթ խաղացողի՝ «Ռեալ»ի հետ կնքած ներկայիս համաձայնագիրը գործում է մինչև 2017 թվականը:
