Գերմանիայի Բունդեսլիգայի 18-րդ տուրի շրջանակում Դորտմունդի «Բորուսիա»-ն հյուրընկալվելիս 1:3 հաշվով առավելության հասավ Մյոնխենգլադբախի «Բորուսիա»-ի նկատմամբ:
Հանդիպմանը մասնակցեց նաև Հայաստանի ազգային հավաքականի առաջատար ու դորտմունդցիների կիսապաշտպան Հենրիխ Մխիթարյանը, ով դարձավ գոլի ու գոլային փոխանցման հեղինակ:
Հեղինակավոր WhoScored.com կայքը գնահատել է ֆուտբոլիստների խաղը՝ ամենաբարձր գնահատականին արժանացնելով Հենրիխ Մխիթարյանին: Նրա խաղը կայքը 10 հնարավորից գնահատել է 9.6՝ ճանաչելով հանդիպման լավագույն ֆուտբոլիստ:
Նշենք, որ Goal.com-ը Մխիթարյանի խաղը 5 հնարավորից գնահատել է 3.5, իսկ հանդիպման լավագույն ֆուտբոլիստ է ճանաչել Իլկայ Գյունդոգանին:
