Ուկրաինայի Գերագույն ռադայում վարչապետ Արսենի Յացենյուկի ելույթի ընթացքում պատգամավորների միջև ծեծկռտուք է սկսվել։ Այս մասին հայտնում է RIA Novosti-ն։
Գերագույն ռադայի խոսնակ Վլադիմիր Գրոյսմանը ստիպված է եղել անձամբ միջամտել։
Յացենյուկը, չնայած ստեղծված վիճակին, առաջարկել է պատգամավորներին շարունակել լսել տարվա ընթացքում կաբինետի աշխատանքի վերաբերյալ հաշվետվությունը։
Ավելի ուշ հայտնի է դարձել, որ ծեծկռտուքը տեղի է ունեցել վարչապետի «Ժողովրդական ճակատ» խմբակցության և նախագահի «Պյոտր Պորոշենկոյի բլոկ» կուսակցության պատգամավորների միջև։
Պորոշենկոյի խմբակցության ղեկավար Յուրի Լուցենկոն դեպքից հետո հրապարակայնորեն ներողություն է խնդրել պատգամավորներից ու վարչապետից իր խմբակցության պատգամավոր Օլեգ Բարնայի վարքի համար, որը նախաձեռնել էր ծեծկռտուքը։
Պատճառ է դարձել վարչապետի խոսքը, որը հիշեցրել է, որ կառավարությունը ձևավորվել է կոալիցիայի ստեղծման արդյունքում, այդ իսկ պատճառով «Պյոտր Պորոշենկոյի» բլոկը պատասխանատվություն է կրում իր նախարարների գործունեության համար։
Օլեգ Բարնան, որը ստորագրություն է հավաքում կառավարության անվստահության մասին բանաձևի նախագծի ներքո, ամբիոնում ելույթ ունեցող վարչապետին մի փունջ վարդ էր բերել և փորձել կառավարության ղեկավարին հեռանել այնտեղից։
