Մարգարեթ Թետչերի անձնական իրերը, այդ թվում՝ նրա հագուստի և զարդերի հավաքածուն, աճուրդի կհանվեն։ Այս մասին հայտնում է The Telegraph-ը։ Աճուրդը կկայանա դեկտեմբերին, Christie’s աճուրդի տանը։
Այս տարի «երկաթե լեդին» կնշեր իր 90-ամյակը։ Այդ առիթով նրա՝ պատմական նշանակություն ունեցող մոտ 350 իր կառաջարկվի գնորդներին՝ ասել են Christie’s-ում։
Ամենաթանկարժեք լոտը կդառնա զմրուխտներից ու ադամանդներից պատրաստված Chaumet ոսկերչական տան վզնոցը։ Այն գնահատվում է 180 հազար ֆունտ։
Թետչերի ընտանիքը նման որոշում է ընդունել այն բանից հետո, երբ Վիկտորյայի և Ալբերտի լոնդոնյան թանգարանը հրաժարվել է ընդունել նրա իրերը ցուցադրության համար։
Թետչերը կյանքից հեռացել է 2013 թվականի ապրիլի 8-ին։
