Վիդեոբլոգեր Զաք Սթրելին անջրանցիկության թեստով ստուգել է iPhone-ի բոլոր սերունդները՝ iPhone 2G-ից մինչև iPhone 6S: Փորձի արդյունքների մասին հայտնում է SlashGear-ը:
Յուրաքանչյուր սարք նախօրոք միացվել է, իսկ վայրկենաչափը ցույց է տվել՝ սարքը որքան կկարողանա մնալ ջրի տակ աշխատանքային վիճակում: Ամենից արագ շարքից դուրս է եկել iPhone 2G-ն, հետո հաջորդաբար անջատվել են գրեթե բոլոր մյուս սմարթֆոնները: Միաժամանակ, զարմանալիորեն երկար աշխատել են iPhone 3G-ն և iPhone 5S-ը:
Իսկ նոր iPhone 6S-ը, ընդհակառակը, բավական արագ է անջատվել: Սթրելին սարքերը ջրով լի ամանի մեջ է դրել 1 ժամով: Փորձի ավարտից հետո բլոգերը չի կարողացել անսարքություններ գտնել սմարթֆոններում: Աշխատել շարունակել են և´ միացման կոճակը, և´ տեսախցիկը, և´ ականջակալները, և´ նոր 3D Touch գործառույթը:
