«Ժողովուրդ» օրաթերթը գրում է. «Երեկ հայտնի դարձավ, որ ՀՀ գլխավոր դատախազությունն իրավապահներին հանձնարարել է հետաքննել ՀՀ ԱԺ ՀԱԿ խմբակցության ղեկավար Լևոն Զուրաբյանի հայտարարությունն այն մասին, որ ՀՀ ՍԴ նախագահ Գագիկ Հարությունյանը զբաղվել է «Ժողովրդավարություն իրավունքի միջոցով» կամ այսպես կոչված՝ Վենետիկի հանձնաժողովին կաշառելով:
Հիշեցնենք, որ Վենետիկի հանձնաժողովի նախագահ Ջիանի Բուքիքիոն մի քանի օր առաջ գտնվում էր Հայաստանում:
«Ժողովուրդ»-ի տեղեկություններով՝ հատկապես հանձնաժողովի նախագահությունն է պնդում, որպեսզի Լևոն Զուրաբյանի հայտարարությանը իրավական ընթացք տրվի, քանի որ այն վիրավորական է իրենց համար: Դրա համար էլ դատախազությունը արագ ընթացք տվեց խնդրին: Ու ստեղծված իրավիճակը բավականին տհաճ ձևով կարող է զարգանալ Զուրաբյանի համար. կա՛մ նա ստիպված է լինելու ներողություն խնդրել Վենետիկի հանձնաժողովից և Գագիկ Հարությունյանից, կա՛մ էլ նրան կարող են քրեական պատասխանատվության ենթարկել սուտ մատնության համար, եթե չապացուցի ասվածը»:
Մանրամասները՝ թերթի այսօրվա համարում:
Լուսանկարը՝ Photolure-ի
