Կառավարության այսօրվա նիստի ժամանակ ներկայացվեց հարկային օրենսգրքի նոր նախագիծը: Ֆինանսների փոխնախարար Պավել Սաֆարյանը ընդգծեց, որ արվել է հնարավորը, հարկային դաշտում սահունության կայունության ապահովման համար: Վարչապետ Հովիկ Աբրահամյանն էլ մանրամասնեց այս փաստաթուղթը. Ֆինանսների նախարարությունը ներկայացրել է այն համոզմունքի վրա, որ արտոնությունները կրճատվեն և առավել հասցեական սուբսիդիաներ լինեն:
Վարչապետը նախարարներին հանձնարարեց մեկ շաբաթվա ընթացքում ժամանակացույց ներկայացնել իրենց ոլորտի ներկայացուցիչների հետ հարցի քննարկման համար: Երբ պատրաստ լինի վերջնական տարբերակը, փաստաթուղթը կուղարկվի խորհրդարան: «Բարգավաճ Հայաստան» խմբակցության պատգամավոր, տնտեսական հարցերի մշտական հանձնաժողովի նախագահի տեղակալ Միքայել Մելքումյանի կարծիքով՝ դաշտը կարգավորելու համար միայն օրենքը բավար չէ, բայց պետք է նշել, որ մեկ ընդհանուր օրենք ունենալը վաղուց սպասված է, քանի որ այն կամբողջացնի հարկերի և հարկատեսակների մասին օրենքները և թույլ կտա երկարաժամկետ կտրվածքով պատկերացնել հարկային միջավայրը:
Միքայել Մելքումյանի ներկայացմամբ ՝ այս համատեքստում գործադիրը պետք է դիտարկի երկրի զարգացման միտումները՝ հաշվի առնելով ֆունկցիոնալ գերակայությունների, սպառողական շուկայի, արտադրության արտահանման, թափանցիկ մենեջմենտի, էժան վարկերի ներգրավման հետ կապված հարցերը:
Աժ պատգամավորը եզրափակում է երբ Հարկային նոր օրենսգիրը խորհրդարան մտավ երկար կքննարկվի, այն վերաբերում է ամբողջ հանրությանը՝ ներառելով տարբեր ոլորտներ:
