Տոկիոյում CEATEC ցուցահանդեսի ժամանակ Panasonic, Seven Dreamers Laboratories և Daiwa House ընկերությունները ներկայացրել են Laundroid սարքավորումը, որը ծալում է նոր լվացված իրերը: Այս մասին հաղորդում է Engadget-ը:
Նախագիծը մեկնարկել է 2008-ին, և ներկա պահին արդեն առկա է աշխատող նախատիպը, որը ծալում է մարզաշապիկները: Սարքավորման աշխատանքի սկզբունքը մանրամասն չի նկարագրվել, սակայն արտադրողը պնդում է, որ ներսում տեղադրված են ռոբոտացված ձեռքեր:
Ցուցահանդեսում ներկայացվել է` ինչպես է Laundroid-ը ծալում ճմռթված մարզաշապիկը: Դրա համար նրան 5 րոպե է անհրաժեշտ եղել: Սակայն ապագայում այն կկարողանա ավելի կարճ ժամանակահատվածում ծալել ամբողջ սպիտակեղենը:
