Գրեթե մեկ տարի է, ինչ ամերիկյան Գլոբբինգ ընկերությունը մուտք է գործել Հայաստան: Սա միջազգային նախագիծ է, որի նպատակն է մշակել ու կիրառել գործիքներ ու մեխանիզմներ, որոնք թույլ կտան մարդկանց գնումներ կատարել աշխարհի ցանկացած երկրից՝ անկախ բնակության վայրից, համակարգչային ու լեզվական հմտություններից կամ այլ սահմանափակումներից:
Այժմ ընկերությունը հպարտորեն ու հրապարակայնորեն ներկայացնում է այդ ծրագրի առաջին արդյունքը, որը հասանելի կլինի հոկտեմբերի 15-ին: Globbing.com-ը թույլ կտա գնորդներին ձեռք բերել ապրանքներ աշխարհի ցանկացած խանութից, որն այնուհետև հնարավոր կլինի ստանալ Հայաստանում:
Սրանք այն ծառայություններն են, որոնք առաջարկվելու են հանրությանը. Գտիր և համեմատիր, Ստացիր հասցե և Ջի-Շոփ: Ահա թե ինչպես է նրանցից յուրաքանչյուրը աշխատում.
Գտիր և hամեմատիր – Տե՛ս տարբեր մատակարարների առաջարկները մեկ էջի վրա համեմատի՛ր գներն ու գտի՛ր լավագույն առաջարկը:
Ստացիր հասցե – ստացիր սեփական անվճար հասցեներ ԱՄՆ-ում և Եվրոպայում, գնումներ կատարի՛ր լավագույն առցանց խանութներից, օգտագործի՛ր քո նոր հասցեն որպես առաքման հասցե և ստացիր քո գնումը Հայաստանում:
Ջի-Շոփ – Առցանց գնումներ ցանցից դուրս Մաշտոցի 43 հասցեում: Այցելիր G-Shop և կատարիր գնում աշխարհի ցանկացած առցանց խանութից և ստացիր քո գնումը Հայաստանում:
Ընկերությունը առայժմ հասանելի կդարձնի իր ծառայությունների մի մասը միայն, այնուհետև հաջորդաբար կթողարկի նորանոր գործիքներ` ուղղված հեշտացնելու և առհասարակ գնորդի համար կիրառելի դարձնելու միջազգային առցանց առևտուրը:
Ամիսների ընթացքում Գլոբբինգ-ի միջազգային թիմը հսկայական աշխատանք է կատարել տեղական ու նմանատիպ շուկաների ուսումնասիրության, գործիքների և լուծումների մշակման, ինչպես նաև իր հայաստանյան թիմի ձևավորման ուղղությամբ: Առանձնահատուկ ուշադրություն է դարձվել նախագծի ծրագրային հիմքին: Մշակվել և ներդրվել են գնումներ կատարելու նորարարական տեխնոլոգիաներ ու ծրագրեր, որոնք կհաղորդեն մարդկանց գնումներ կատարելու լիովին նոր զգացողություններ, կնպաստեն ապահով ու անխափան գործարքների և գործընթացների իրականացմանը:
Այս պահին ընկերությունը գրասենյակներ ունի Սիլիկոնյան հովտում ու Հայաստանում, ինչպես նաև՝ պահեստներ ԱՄՆ-ի Դելավեր նահանգում, Մոսկվայում ու Պրահայում: Հայաստանյան գրասենյակի բացմանը հաջորդելու է ընկերության մուտքը մի շարք այլ երկրներ:
Ընկերությունը անակնկալ է մատուցում մինչ 15.10.2015-ը կայքում գրանցվող հայաստանյան գնորդներին՝ վերջիննեիս իրենց հաշվին նվիրելով 10-ական ԱՄՆ դոլար:
Գլոբբինգ–ը նորարարություն է, որը հավակնում է հեղափոխություն բերել միջազգային առցանց գնումների ոլորտ:
