ԱՄՆ նախագահ Բարաք Օբաման ՀՀՊ համակարգերի վերաբերյալ գաղտնի համաձայնության է եկել իր ռուս գործընկեր Վլադիմիր Պուտինի հետ։ Այս մասին հայտարարել է կոնգրեսական Մայք Թյորները:
Թյորների կարծիքով՝ կառավարության կողմից Եվրոպայում ՀՀՊ համակարգերի տեղադրման վերջին փուլի դադարեցումը խոսում է հենց դրա մասին:
«Մենք տեսել ենք, թե ինչպես է նախագահը հայտարարում Մեդվեդևին, որ ինքը կարող է մեծ ճկունություն դրսևորել ընտրություններից հետո: Պուտինն ավելի ուշ հայտարարեց համաձայնագրի պայմանների մասին: Եզրակացնում ենք, որ դա գործարք էր»,- ասել է նա:
Պարբերականը նշում է, որ Թյորներն ի նկատի է ունեցել Օբամայի ու Մեդվեդևի զրույցի ընթացքում միկրոֆոնի անակնկալ միացումը միջուկային անվտանգության հարցերով համագումարի ժամանակ: Զրույցի ընթացքում Օբաման ասել էր, որ ընտրություններից հետո կփոխի իր քաղաքականությունը, իսկ այն ժամանակվա նախագահ Մեդվեդևը պատասխանել էր. «Ես հասկացա: Ես կփոխանցեմ այս տեղեկությունը Վլադիմիրին»:
«Խնդիրն այն է, որ մենք չգիտենք, թե ինչ կստանանք ռուսների հետ գաղտնի համաձայնագրից: Նախագահը բացահայտորեն հրաժարվել է վահանից, որի դեմ հանդես էին գալիս ռուսները, և հիմա ԱՄՆ-ը, չստանալով որևէ առավելություն, խոցելի է Հյուսիսային Կորեայի ու Իրանի համար՝»,– հայտարարել է Թյորները:
