Ինչպես տեղեկացրել էինք, օգոստոսի 17-ին ժամը 19:15-ին Շիրակի մարզի Ջաջուռ գյուղի մոտակայքում տեղի է ունեցել ճանապարհատրանսպորտային պատահար:
Գյումրի-Վանաձոր ավտոճանապարհի 25-րդ կիլոմետրում ավտոմեքենան դուրս է եկել ավտոճանապարհի երթևեկելի հատվածից, բախվել կողապատնեշին և սահել ձորը: Պատահարից տուժել են`
Սամվել Պողոսյանը՝ ծնված 1994 թվականին,
Վոլոդյա Թորոսյանը՝ ծնված 1994 թվականին,
Սարգիս Մայիսյանը՝ ծնված 1993 թվականին,
Ռազմիկ Պողոսյանը՝ ծնված 1998 թվականին,
Խորեն Դանիելյանը՝ ծնված 1998 թվականին
Հովհաննես Պողոսյանը ծնված 1993 թվականին:
Տուժած քաղաքացիները տարբեր աստիճանի մարմանական վանսվածքներով տեղափոխվել են Գյումրի ԲԿ:
«Առաջին լրատվական»-ին Գյումրիի Բժշկական կենտրոնի հասարակայնության հետ կապերի և լրատվության բաժնից հայտնեցին, տուժածներից Խորեն Դանիելյանը, ով Միացյալ Թագավորության քաղաքացի է, նախ հոսպիտալացվել է վերակենդանացման բաժանմունքում, ապա գիշերը տեղափոխել է Երևանի Գրիգոր Լուսավորիչ ԲԿ` վնասվածքաբանական բաժանմունք:
Վերջինիս մոտ ախտորոշվել է կրծքավանդակի կողերի փակ բազմաթիվ կոտրվածքներ, տրավմատիկ շոկ: Իսկ Սամվել Պողոսյանի մոտ ախտորոշվել է աջ ազդրի միջին երունդի դրսային հատվածի ջնջխված վերք, աջ սրունք-թաթային հատվածի մակերեսին վերք, մարմնի տարբեր մասերի փափուկ հյուսվածքների սալջարդ: Սամվել Պողոսյանը հոսպիտալացվել է Գյումրիի ԲԿ վնասվածքաբանական բաժանմունքում:
Տուժածներից 4-ը, ստանալով համապատասխան բուժօգնություն, դուրս են գրվել:
