Հարցումների համաձայն` Օփրա Ուինֆրին երկրորդ անգամ գլխավորել է ամենաազդեցիկ մարդկանց ցուցակը: Նախորդ անգամ նա այս տիտղոսը ստացել է 2010թ.՝ հաղորդում է Forbes-ը:
Ամսագրի տվյալներով` Ուինֆրին հավաքել է հարցման մասնակիցների ձայների 48%-ը (1%-ով քիչ՝ 2010-ի համեմատ) և առաջ է անցել այնպիսի հոլիվուդյան հսկաներից, ինչպիսիք են Սթիվեն Սփիլբերգը և Քլինթ Իսթվուդը:
E-Poll Merket Research կազմակերպության մասնագետների կողմից կազմված ցուցակում ներառվել է 7500 հայտնի մարդ:
Օփրա Ուինֆրին ամերիկացի հեռուստահաղորդավարուհի է, դերասանուհի, պրոդյուսեր, հասարակական գործիչ և «Օփրա Ուինֆրիի շոու»-ի հաղորդավար: Հաղորդումը փակվել է 2011թ.: Դրանից հետո Ուինֆրին թողարկել է սեփական հեռուստաալիքը` Oprah Winfrey Network: Նա պատմության մեջ առաջին և միակ սևամորթ կին միլիարդատերն է:
