Մարտի 10-ին փախստականների հարցով ՄԱԿ գործակալությունը (UNHRC) ընդունել է, որ Գազայի հատվածում լուսանկարների վրա պատկերված երեխան, որի աճյունը գտնվում է հոր գրկում, սպանվել է ՀԱՄԱՍ-ի գրոհայինների արձակած հրթիռի, այլ ոչ թե իսրայելցի զինվորականների կողմից արձակած հրթիռի հետևանքով: Այս մասին հաղորդում է NEWSru Israel-ը՝ վկայակոչելով «Քոլ Իսրայել» պետական ռադիոկայանին:
Խոսքը լուսանկարների մասին է, որոնք արվել են «Շիֆա» հիվանդանոցում, որոնցում պատկերված է BBC-ի թղթակից Ջիհադ Մաշարաուին, որի 11 ամսական տղան զոհվել է մարտական գործողությունների ընթացքում:
2012 թ. նոյեմբերի 15-ին The Daily Mail բրիտանական պարբերականը և արևմտյան շատ այլ ԶԼՄ-ներ հաղորդել էին, թե BBC-ի լրագրողի որդին մահացել է Իսրայելի ավրահարվածի հետևանքով:
Ջիհադ Մաշարաուի և սպանված երեխայի լուսանկարը հրապարակվել են 2012 թ. նոյեմբերի 15-ին The Washington Post-ում: Ավիահարվածի հետևանքով զոհվել էր նաև Մաշարաուիի հարսը, իսկ եղբայրը և հորեղբայրը ծանր վիրավորվել էին:
ՄԱԿ աշխատակիցները դեպքի վայր են ժամանել ավիահարվածից մեկ շաբաթ անց: Նրանք հաղորդել են, որ հետաքննություն չեն անցկացրել, սակայն նրանց կարծիքով՝ ավերածությունները չեն համապատասխանում այն ավերածություններին, որոնք սովորաբար հետևում են իսրայելական ավիացիայի հարվածներին:
ՀԱՄԱՍ-ի ղեկավարությունը չի մեկանաբանել UNHRC հաշվետվությունը: Մաշարաուին ՄԱԿ եզրակացությունը «անմտություն է» անվանել: Նրա խոսքերով՝ ՄԱԿ աշխատակիցներից ոչ մեկ չի խոսել իր հետ և պաղեստինցի գրոհայինները սովորաբար ներողություն են խնդրում, եթե նման գործողությունները պատասխանատուն իրենք են լինում:
Իսրայելի բանակի ներկայացուցիչը հաղորդել է, որ չի կարող մեկնաբանություններ տալ ՄԱԿ տվյալների հստակության վերաբերյալ: Նա նշել է, որ հակամարտության առաջին ժամերին ոչ միշտ էր հասկանալի, թե ինչ է տեղի ունենում:
Հիշեցնենք, որ նոյեմբերի 14-ից Իսրայելը լայնածավալ ռազմական գործողություններ էր սկսել Գազայի հատվածում ՀԱՄԱՍ շարժման գրոհայինների դեմ։
