Վերջին տասնամյակների ընթացքում ԱՄՆ-ում լրջորեն ավելացել է հերոյինի օգտագործումը` ցածր արժեքի պատճառով: 2002-2013-ին հերոյին օգտագործող մարդկանց քանակն ավելացել է 63 տոկոսով: Այս մասին գրում է BBC-ն` վկայակոչելով հիվանդությունների վերահսկողության և պրոֆիլակտիկայի ամերիկյան կենտրոնին (CDC):
Փորձագետները նման աճը կապում են այն բանի հետ, որ հաճախ ցավազրկող դեղահաբեր ընդունող մարդիկ անցնում են առավել էժան հերոյինի:
«Հերոյինի օգտագործումը մահացու աճում է գրեթե բոլոր ժողովրդագրական խմբերում, և այդ աճի ֆոնին մենք տեսնում ենք մահացության կտրուկ աճ»,- ասել է CDC-ի ղեկավար Թոմ Ֆրիդենը:
Նշվում է, որ միայն 2013-ին չափից շատ դոզա ստանալուց ավելի քան 8 հազար մարդ է մահացել, ինչը մոտ 2 անգամ ավելի շատ է, քան 2011-ին:
