Ֆրանսիայի հյուսիսարևմտյան նոսր բնակեցված գյուղի ղեկավարը որոշել է տարածքներ վաճառել 1 քմ-ը 1 եվրո գնով՝ նոր բնակիչների գրավելու նպատակով: Այս մասին հայտնում է The Local-ը:
Բերյեն գյուղում երիտասարդ սերնդի պակաս կա տեղի դպրոցի գոյությունը շարունակելու համար: Բացի դրանից՝ տարածքի բնակչությունը մշտապես պակասում է:
Տարածքի ղեկավարի խոսքով ՝ իշխանություններն արդեն մոտ 300 զանգ են ստացել ԱՄՆ-ի, Ֆիլիպինների և Մարոկկոյի ներկայացուցիչներից:
Սակայն հետաքրքրված ոչ բոլոր անձինք կկարողանան օգտվել նշված առաջարկից: Գնորդների ընտրության չափանիշ է սահմանված, այն է՝ ապագա հողատերը կպարտավորվի հողամասում այն ձեռք բերելու պահից հետո 2 տարում տուն կառուցել այնտեղ:
