Հազարավոր համացանցային կայքեր արգելափակել են Կոնգրեսի համակարգիչներին հասանելիությունը` բողոքելով զանգվածային էլեկտրոնային լրտեսության ծրագրի հնարավոր երկարաձգման դեմ: Այս մասին գրում է RIA Novosti-ն` վկայակոչելով «Պայքար ապագայի համար» ակցիայի կազմակերպիչներին: Կազմակերպիչների տվյալներով` ակցիային արդեն 14 հազար կայք է միացել:
Բողոքի ակցիայի մասնակիցներն իրենց կայքերի հասանելիությունն արգելափակել են ԱՄՆ Կոնգրեսի IP հասցեներով համակարգիչների համար` դրանց հղում անելով բողոքի ակցիայի կայքերին:
«Շատերը բլոգներ կամ անձնական կայքեր են, կամ էլ փոքր բիզնեսի կայքեր»,- ասել է ակցիայի ներկայացուցիչներից մեկը, հստակեցնելով, որ տվյալ պահին ակցիային 14 հազար 164 կայք է միացել:
«Կոնգրեսը քվեարկել է կառավարական լրտեսական ծրագրերը թույլ տալու օգտին: Նրանք պետք է ուղղեն այդ սխալը: Մարդկանց դա զզվեցրել է: Ոչ ոք չի ցանկանում ապրել աշխարհում, որտեղ չկա մասնավոր կյանք, որտեղ էլ կարող են ինքնաարտահայտվել»,- հայտարարել է ակցիայի հիմնադիր Թիֆինի Չենը:
