Քեմբրիջի դքսի և դքսուհու երկրորդ երեխայի ծնունդը նույնքան իրարանցում չի առաջացնի, որքան արքայազն Ջորջի ծնունդը, սակայն այս իրադարձության նկատմամբ միջազգային հետաքրքրությունն ամեն դեպքում մեծ է, հինգշաբթի օրը լրագրողներին պատմել է իրադրությանը ծանոթ աղբյուրը, գրում է RIA Novosti-ն:
Նա հաստատել է, որ Քեյթը կրկին սուրբ Մարիամի հիվանդանոցում կծննդաբերի, որը գտնվում է Քեմբրիջի դուքսի և դքսուհու նստավայրի մոտակայքում:
«Լրագրողներին կտեղեկացնեն, հենց որ դքսուհին ծննդաբերության առաջին նշաններով հիվանդանոց ժամանի: Այնուհետև կհայտարարվի ծննդաբերության, երեխայի սեռի, քաշի և ծնվելու ժամի մասին տվյալները: Դրանից հետո, թագավորական ընտանիքի նոր անդամի ծնվելու մասին լուրը կհասնի Բուքինհեմյան պալատ և կկախվի դարպասին»,- ասում է աղբյուրը:
Երեխայի ծնվելու մասին կհայտարարվի այն բանից հետո, երբ Ոիլյամն ու Քեյթն այդ ուրախ լուրը կհայտնեն թագուհուն և իրենց ծնողներին: Եթե երեխան գիշերը ծնվի, այդ մասին կհայտարարվի միայն առավոտյան:
Այս անգամ լրագրողներին չի թույլատրվել ամսվա ընթացքում հերթապահել հիվանդանոցի մոտակայքում:
Ինչպես առաջին երեխայի ծնվելիս, այս անգամ էլ արքայազն ու դքսուհին դուրս կգան հիվանդանոցի պատշգամբ, որպեսզի լրագրողները մի քանի րոպե կարողանան լուսանկարել նրանց:
Երեխայի անունը կհրապարակվի միայն ծնվելուց մի քանի օր անց, իսկ պաշտոնական լուսանկարը՝ միայն մկրությունից հետո, հայտնում են աղբյուրները:
