Վրաստանի նախագահ Միխեիլ Սաակաշվիլին հայտարարել է, որ երկիրը ներկայում գտնվում է արտակարգ իրավիճակում: Ինչպես պարզաբանել է նա Թբիլիսիում բրիֆինգի ժամանակ, որը կայացել է Սահմանադրության փոփոխման վերաբերյալ խորհրդարանի խոսնակ Դավիթ Ուսուպավիլիի հետ բանակցությունների առաջին ռաունդից հետո, բանտերից ազատ են արձակվել մեծաթիվ հանցագործներ, որոնք հետապնդում են իր գլխավորած «Միացյալ ազգային շարժում» կուսակցության ընդդիմադիր գործիչներին: «Դրանով երկրի միջազգային դիրքերը շատ են թուլանում»,-ասել է Սաակաշվիլին: Նրա կարծիքով՝ այժմ Վրաստանը բավական չզարգացած, հետամնաց երկիր է հիշեցնում: Այս մասին հաղորդում է RBK-ն:
Անդրադառնալով փետրվարի 8-ին ազգային գրադարանի մոտ տեղի ունեցած իրադարձություններին՝ Սաակաշվիլին ասել է, որ տեղի է ունեցել հանցագործների կողմից ընդդիմության ղեկավարության նկատմամբ պատժի փորձ: «Կարծում եմ, բոլորս հետաքրքրված ենք, որպեսզի քննարկումը տեղափոխվի փողոցից խորհրդարանի պատերի ներսը: Փողոցի ծեծկռտուքից երկու քայլ էր մնացել մինչ մասշտաբային աղետը»,-ասել է նա:
