ՍԴ-ն պետք է որոշի ինչ ընթացք տալ ՀՀ նախագահի թեկնածու, օրեր առաջ մաահափորձի ենթարկված Պարույր Հայրիկյանի ներկայացրած դիմումին՝ իրեն հարուցված խոչընդոտն անհաղթահարելիճանաչելու վերաբերյալ: Այս մասին այսօր ասաց ՀՀ նախագահի թեկնածու, ԱԻՄ առաջնորդ Պարույր Հայրիկյանը: Նա ընդգծեց, որ համոզված է, թե ՍԴ-ին իրեն չի դնի անհեթեթ վիճակի առաջ:
«Ակհայտ է, որ մարդու նկատմամբ մահափորձ է եղել, չնայած, որ կան անուշ երազողներ՝ կրծքին կրակել են վախեցնելու համար, կրծքին կրակել են ռագատկայով, բայց այդ բոլորին ես ուշադրություն չեմ դարձնում, որովհետև կա առողջապահական համակարգ, որը պարտավոր է ստույգ տեղեկություններ տալ: ՍԴ-ի գործելակերպը նախապես չեմ գնահատի, մենք դիմում ենք և սահմանադրությամբ նշված կարգով իրենք պարտավոր են 4 օրվա ընթացքում արձագանքել:
Այսօր իմ տարածած հայտարարության մեջ նշել եմ, որ եթե կայանա մեր այդ համագործակցությունը, ես կարող է,հաշվի առնելով այն դժվարությունները,որ այս հետաձգման պատճառով պետք է առաջանան, համարեմ, որ իմ անհավասար մասնակցությունն ընտրապայքարին փոխհատուցվում է նրանով, որ այս պահից թիմով եմ ներկայանալու,եթե ոչ ես պարտավոր եմ օգտվել ՀՀ Սահմանադրությամբ ինձ տրված իրավունքից, պարտավոր եմ կատարել իմ պարտականությունը և քաղաքացիներին հասցնել այն ինչ ցանկանում էի դարձնել նրանց սեփականությունը»,- մեկնաբանեց Պարույր Հայրիկյանը:
Նա նաև պարզաբանեց, թե որ դեպքում ՍԴ-ից ետ կվերցնի իր դիմումը: Նախագահի թեկնածուն ասաց, որ տալիս է դիմումը, սակայն, եթե միասնական թիմն է ձևավորվում, ապա դա կարող է համարել բավարար, որ այդ տասնօրյա կորուստը ոչ այնքան էական լինի իր համար: Երկրորդ հանգամանքի մասին ևս խոսեց, ասելով, թե դա այդքան էլ իրատեսական չէ: «Ես պետք է հասցնեմ երեք- չորս օրվա ընթացքում անել այն, ինչ մյուսներն արել են տաս-տասներկու օրվա ընթացքում:Փոքր ինչ դժվար է դրան հավատալ, բայց հենց սկզբից ասեմ, որ իսկապես մտահոգ եմ, որ մեր պետությունը լրացուցիչ ծախսերի տակ պետք է ընկնի, նոր քվեաթերթիկներ պետք է տպագրվեն, 1000-ից ավելի մարդիկ եկել են Հայաստան որոշակի ժամանակացուցյով և նրանց բոլորի համար անհարմարավետություն եմ ստեղծում, ես կցանկանայի, որ այդ ամենը չլիներ: Սակայն այդ ամենից վեր կա ժողովրդավարություն, իսկ ժողովրդավարություն նշանակում է՝ տեռորիստը չպետք է կարողանա թեկնածուներից մեկին զրկել կարողականությունից մանավանդ, երբ այդ մարդը եղել է հայ ժողովրդի կարևորագույն ձեռքբերումների հիմքում»,- նշեց ԱԻՄ առաջնորդը:
Հիշեցնենք, որ այսօր ՀՀ նախագահի թեկնածու, ԱԻՄ առաջնորդ, օրեր առաջ մահափորձի ենթարկված Պարույր Հայրիկյանը դիմեց ՍԴ իրեն հարուցված խոչընդոտն անհաղթահարելի ճանաչելու պահանջով:
