Շերոն Գրանտն ու Շոն Էդլեսթոնը, կրքոտ տարված մեկը մյուսով, երդվել էին երբեք չբաժանվել: Սակայն կինը չէր էլ կարող ենթադրել, որ իր ընտրյալը խոստումը կկատարի նաև մահվանից հետո:
Զույգը շատ համերաշխ է ապրել մինչև այն պահը, երբ 37-ամյա տղամարդը մահացել է թոքերի հիվանդությունից: Մահվանից առաջ վերջինս սիրելիին խնդրել է խոստանալ, որ այլ տղամարդկանց հետ չի հանդիպի: Խոսք տալով՝ Շերոնը չի էլ կասկածել, թե ինչպիսի շրջադարձ է ունենալու երդմնազանցությունը:
Կինը, ում 44 տարին վերջերս է լրացել, նշել է, որ չնայած խոստացել էր, որ իրենց միջև ոչ ոք չի կանգնի, սակայն դա անհնար է, քանի որ ողջ կյանքը դեռ առջևում է: Շոնի մահից հետո տանը տարօրինակություններ են սկսվել: Կենդանության օրոք նա սիրել է նկարների շրջանակները տեղաշարժել, որը կնոջը միշտ նյարդայնացրել է, և… այդ երևույթը դեռ շարունակվում է:
Երբ Շերոնը տղամարդ է բերել իր տուն, հենց առաջին համբույրի ժամանակ խոհանոցում ինչ-որ աղմուկ է լսել: Պարզվել է՝ խանդոտ ուրվականը սպասքն է կոտրել, որը ուտելուց հետո մնացել էր սեղանին:
Կինը նշել է, որ իր նոր ընկերն այդ ամենը հանդուրժում էր, սակայն, երբ մի օր զգացել է, որ ինչ-որ մեկը բռնել է մազերից, հրաժարվել է կնոջ հետ հետագա հարաբերություններից:
Կնոջ երկրորդ զուգընկերը հրաժարվել է հետագա հարաբերություններից, երբ ուրվականը որոշել է նրանց հետ հեռուստացույց դիտել: Նա ասել է, որ ուրվականի պատկերը հայտնվել է հեռուստացույցի էկրանին:
Բայց թե ուրվականն ինչպես է վախեցրել կնոջ երրորդ երկրպագուին, դա նույնիսկ կինը չգիտի, քանի որ ինքը խոհանոցում է եղել, երբ տղամարդը սարսափահար դուրս է վազել և ընդմիշտ անհետացել կնոջ կյանքից:
Նոր ծանոթության ակնկալիքով՝ Շերոնը նստում է իր սենյակում և Շոնի հետ զրուցում: Կինը համոզում է, որ դեռ սիրում է նրան, բայց նաև խնդրում է թույլ տալ իրեն այլ տղամարդու հետ ինտիմ հարաբերություններ ունենալ:
