2012 թ. վերջին եռամսյակին Apple-ի ռեկորդային արդյունքների հրապարակմանը նվիրված նիստին շատ է խոսվել ընկերության խնդիրների մասին, որոնք ինչ-որ չափով պայմանավորված են Samsung-ի հետ վեճի պատճառով:
Ինչպես հաղորդում է Forbes-ը, եռամսյակային արդյունքներում, որոնք հրապարակվել են նախօրեին, սարսափելի ոչինչ չկա: 2012 թ. սեպտեմբերից դեկտեմբեր ընկած ժամանակահատվածում ընկերության մաքուր շահույթը մեծացել է 18%-ով, իսկ եկամուտը՝ 16%-ով, վաճառված iPhone-երի քանակն ավելացել է 28%-ով, իսկ iPad-ներինը՝ 48%-ով: Դրա հետ մեկտեղ, վերջին ամսիներին ընկերության բաժնետոմսերի գները նվազել են ավելի քան 30%-ով:
Որոշ վերլուծաբաններ կարծում են, որ ընկերությունը բարդ իրադրության մեջ է հայտնվել անցած տարի Samsung-ի հետ վեճի պատճառով, որն ընկերության առնվազն երեք բաղադրիչների՝ չիպ, հիշողության ֆլեշ և touch պանել, առանցքային մատակարարն է:
Apple-ի ղեկավարությանն ավելի շատ հուզում է հենց բաղադրիչների մատակարարումը, քան iPhone-ի պահանջարկի նվազումը:
Apple ընկերության ղեկավար Թիմ Կուկն ասել է, որ դեռևս հոկտեմբերին իրենք փորձել են մարդկանց ասել «գոյություն ունեցող սահմանափակումների մասին», սակայն ժողովրդի համար դա, այնուամենայնիվ, անակնկալ է:
