Տաջիկստանի իշխանությունները մտադիր են վավերացնել երկրի տարածքում ռուսական բազայի մնալու մասին համաձայնագիրն այն բանից հետո, երբ Ռուսաստանը կկատարի իր խոստումներն ու արտոնյալ ռեժիմ կտրամադրի տաջիկ ներգաղթյալներին և չեղյալ կհայտարարի նավթամթերքների մատակարարման մաքսը: Այս մասին հաղորդում է «Կոմմերսանտ»-ը՝ վկայակոչելով Տաջիկստանի արտգործնախարար Խամրոխոն Զարիֆիին:
Մոսկվան, իր հերթին, ցանկանում է, որպեսզի Դուշանբեն լուծի մի շարք հարցեր, նախքան Ռուսաստանը կկատարի իր խոստումները: Մասնավորապես, Տաջիկստանը պետք է կարգավորի աշխատավորական ներգաղթյալների հոսքը և երախշավորի, որ Տաջիկստանին առանց մաքսավճարների վաճառված նավթամթերքները չեն վերավաճառվի երրորդ երկրի:
Նշենք, որ հունվարի 17-ին Տաջիկստանի արտգործնախարարը հանդիպել է Ռուսաստանի ԱԳ նախարար Սերգեյ Լավրովի հետ: Դուշանբեում տեղի ունեցած հանդիպմանը քննարկվել է համաձայնագրերի իրականացումը, որոնք ձեռք էին բերվել 2012 թ. հոկտեմբերին ՌԴ նախագահ Վլադիմիր Պուտինի Տաջիկստան կատարած այցի շրջանակներում:
