Կատալոնական «Բարսելոնա»-ի նախկին գլխավոր մարզիչ Պեպ Գվարդիոլան դժգոհեց, որ ԶԼՄ-ները հրապարակել են իր՝ «Բավարիա»-ի հետ պայմանագիր ստորագրելու մասին տեղեկատվությունը:
Հիշեցնենք, որ Գվարդիոլան 2009 և 2011թթ ճանաչվեց աշխարհի լավագույն մարզիչ և «Բարսելոնա»-ի գլխավոր մարզչի պաշտոնում նվաճեց բոլոր հնարավոր տիտղոսները Իսպանիայի առաջնությունում ու միջազգային մրցասպարեզում:
«Այդ տեղեկատվության տարածումն ինձ դուր չեկավ, քանի որ ներկայումս «Բավարիա»-ում աշխատում է Յուպ Հայնկեսը: Ես ինձ պատկերացնում եմ նրա դերում, երբ դեռ կատարում եմ իմ մարզչական աշխատանքը և հայտնի է դառնում, որ թիմը պայմանագիր է կնքել այլ մասնագետի հետ:
Ինչ վերաբերում է «Բարսելոնա»-ին, ապա պետք է տեղի ունենա անհնարինը, որպեսզի թիմը չդառնա Իսպանիայի չեմպիոն: «Ռեալ»-ի նակտմամբ թիմն ունի 18 միավորի տարբերություն, ինչը գրեթե անհաղթահարելի է: Չեմ կասկածում, որ «Ռեալ»-ը կարող է հաղթել մնացած բոլոր հանդիպումներում, բայց «Բարսա»-ն նույնպես հզոր կազմ ունի»,- Գվարդիոլայի խոսքերը մեջբերում է ՖԻՖԱ-ի պաշտոնական կայքը:
