Վրացական Apsny.geկայքիփոխանցմամբ, միջազգային իրավունքի վրաց փորձագետ Լևան Ալեքսիձեն անդրադարձել է երեկ Հաագայի դատարանի կողմից «Վրաստանն ընդդեմ Ռուսաստանի» հայցի մերժմանը, որում Վրաստանը Ռուսաստանին մեղադրում է 1993-2008 թվականներին Աբխազիայում և Հարավային Օսիայում վրացական բնակչության նկատմամբ էթնիկ զտումներ իրականացնելու մեջ:
«Վրաստանի սխալը կայանում է Ռուսաստանի դեմ նմանատիպ հայց ներկայացնելու մեջ: Վրացական կողմը պետք է նախ այդպիսի հայց ներկայացներ Ռասայական խտրականության վերացման կոմիտեին կամ էլ Միջազգային քրեական դատարան, որը նույնպես գտնվում է Հաագայում:
Ռասայական խտրականության վերացման միջազգային կոնվենցիայի 22-րդ հոդվածում նշված է, որ այդպիսի հարցերը պետք է լուծվեն ուղղակի բանակցությունների, կամ էլ հենց այդ կոմիտեի միջոցով: Մեզ մեղադրում են նրանում, որ 20 տարվա ընթացքում մենք ոչ մի անգամ չենք դիմել այդ կոմիտեին:
Միևնույն ժամանակ միջազգային դատարանը վաղուց էր Ռուսաստանին ճանաչել որպես հակամարտող կողմ, ինչպես որ արել էին ԵՄ-ը և ԵԽ-ը: Սակայն այստեղ ամենագլխավորը հարցի իրավական կողմն է: Մենք սխալվեցինք ամենասկզբում, երբ այդպիսի հայց ներկայացրեցինք դատարան»,- ասել է Ալեքսիձեն:
Հիշեցնենք, որ Հաագայի միջազգային դատարանը երեկ 10 դեմ, 6 կողմ ձայների հարաբերակցությամբ մերժեց քննել «Վրաստանն ընդդեմ Ռուսաստանի» հայցը:
Միևնույն ժամանակ, Հաագայի դատարանը մերժեց (12 դեմ) Ռուսաստանը` որպես հակամարտող կողմ չդիտարկելու ռուսական խնդրագիրը:
