Դեկտեմբերի 4-ին կինոաստղ, ռեժիսոր, ՄԱԿ-ի Բարի կամքի դեսպան, 6 երեխայի մայր Անջելինա Ջոլին Նյու Յորքում եղել է The Daily Show ծրագրի հերոսուհին: Ստուդիա մտնելուց առաջ Ջոլին ժամանակ է հատկացրել իր երկրպագուներին, որոնք նրան սպասել են հեռուստաշոուի նկարահանման տաղավարի շենքի մուտքի մոտ: Դերասանուհին լուսանկարվել է և ինքնագրեր տվել, իսկ երբ երկրպագուներից մեկն իրեն վատ է զգացել և նրան նստեցրել են եզրաքարին, Ջոլին մոտեցել է նրան և նրա հետ սելֆի արել, հայտնում է viva.ua-ն:
Հատկանշական է, որ դերասանուհին ծնկի է եկել կեղտոտ ասֆալտի վրա, որպեսզի հաջող սելֆի անի իր երկրպագուի հետ: Աղջիկն այդպիսի ջերմ վերաբերմունքից չի կարողացել զսպել արցունքները:
