Սուրբծննդյան տոների մոտենալու և խաղալիքների պահանջարկի մեծանալու պատճառով չինական խաղալիքներ արտադրող գործարանների տնօրենները ստիպում են աշխատողներին ավելի երկար աշխատել և քնել գործարաններում, որպեսզի կարողանան հասցնել մատակարարել խաղալիքները:
Վերջին տարիներին մարդու իրավունքների հարցերով զբաղվող կազմակերպությունները բազմիցս մտահոգություն են հայտնել չինական գործարաններում աշխատանքային պայմանների վերաբերյալ։ Եվ դա այն դեպքում, երբ այդ տանջանքի դիմաց մեկ ամսվա ընթացքում մարդիկ վաստակում են ամենաշատը 150 ֆունտ սթեռլինգ:
Պետք է նշել, որ աշխարհի խաղալիքների 75 %-ն արտադրվում է չինական գործարաններում, այդ թվում՝ հանրահայտ կերպարները, ինչպիսիք են Mickey Mouse և SpongeBob Square Pants-ը:
Ամբողջ Չինաստանում կա մոտ 8000 խաղալիք արտադրող գործարան, որտեղ աշխատում է 3,5 միլիոն մարդ, ովքեր հաճախ աշխատում են լրացուցիչ 36.5 ժամ շաբաթական, բայց նրանց վճարում են միայն նվազագույն աշխատավարձի 59 տոկոսի չափով:
