Եվրահանձնաժողովը կառաջարկի ավելի շատ ժամանակ տրամադրել Իսպանիային, Ֆրանսիային և եվրոգոտւ մի քանի այլ երկրների՝ բյուջեի դեֆիցիտը մինչև ՀՆԱ 3% կրճատելու համար:
Ինչպես հաղորդում է El Pais թերթը՝ վկայակոչելով Իսպանիայի և Եվրամիության աղբյուրները, Ֆրանսիան կարող է ստանալ հավելյալ մեկ տարի, ինչը թույլ կտա մինչև 2014թ. կրճատել բյուջեի դեֆիցիտը, իսկ Իսպանիան կստանա ևս մեկ կամ երկու տարի հավելյալ ժամկետ: Եվրահանձնաժողովի ներկայացուցիչը հրաժարվել է մեկնաբանել նորությունը:
Նախորդ ամիս տնտեսական և դրամական հարցերով ԵՄ հանձնակատար Օլլի Ռենը հայտարարել էր, որ Իսպանիայի բյուջետային նպատակները կվերանայվեն փետրվարին: Նա նշել էր, որ մինչև 2014թ. տնտեսության հավելյալ միջոցներ չեն պահանջվի, երբ առաջանա նոր կառուցվածքային վերափոխումների անհարժեշտություն:
Անցած շաբաթ ԵՄ հանձնակատարը նշել էր, որ, դատելով ամեն ինչից, Ֆրանսիան «գոտին հավելյալ ձգելու» կարիք չունի: Ֆրանսիան հայտարարել էր, որ 3 տոկոսանոց ցուցանիշին նախատեսում է հասնել հաջորդ տարի:
Հիշեցնենք, որ դեկտեմբերի 12-ին Ստրասբուրգում Եվրամիության օրենսդիրները վերջնականապես հաստատել են 2013թ. բյուջեն, որը կազմել է 133 միլիարդ եվրո:
