Ամերիկացի դերասանուհի Ջեսիկա Սիմփսոնը պատմել է, թե ինչքան երջանիկ և սեքսուալ է ինքն իրեն զգացել ամուսնանալուց հետո, գրում է Lady.ru-ն։
Շիկահեր գեղեցկուհին կիսվել է Էրիկ Ջոնսոնի հարսանիքի հիշողություններով, մասնավորապես, թե ինչպես է նրա փեսացուի տաբատը հարսանիքի ժամանակ պատռվել:
«Էրիկը կռացավ, որպեսզի գրկի որդուն, ով նրա հետևից դեպի խորան էր վազում, և նրա տաբատը այդ պահին հենց մեջտեղից պատռվեց»,- կիսվել է Ջեսիկան:
«Այդ պատճառով էլ հարսանեկան արարողությունից իմ սիրած հիշողությունն այն է, երբ բոլորն արդեն գնացել էին, իսկ Էրիկը նստած էր իր անդրավարտիքով: Մենք ստիպված էին դերձակ կանչել, որպեսզի նա կարեր Էրիկի տաբատը: Ուղակի նստել էինք ամուսնուս հետ, նա իր Calvin Kleins (անդրավարտիքով) և սմոքինգով»,- ծիծաղելով հիշում է աստղը:
Այն հարցին, արդյոք նրանք պլանավորում են էլի երեխաներ ունենալ, Սիմփսոնը պատասխանել է, որ «երբեք չի ասի երբեք», սակայն մոտ ժամանակներում հաստատ ոչ:
«Որպես կին և մայր ես ինձ սեքսուալ եմ զգում»,- հայտարարել է նա:
Հիշեցնենք, որ զույգը երկու երեխա ունի: Յուրաքանչյուր հղիության պատճառով Էրիկն ու Ջեսիկան ստիպված են եղել հետաձգել հարսանիքը:
