Հավաքական անվտանգության կազմակերպության պայմանագրի (ՀԱՊԿ) անդամ երկրները մտադիր են ստեղծել հավաքական ագրեսիային դիմակայող պոտենցիալ: Այս մասին հաղորդում է RIA Novosti-ն՝ վկայակոչելով ՀԱՊԿ առաջնորդների հայտարարությունը, որն ընդունվել է Կրեմլի նիստի արդյունքների համաձայն:
Փաստաթղթում նշվում է, որ ռազմական համագործակցության ոլորտում առաջնահերթ ուշադրություն պետք է դարձնել հուսալի պոտենցիալի ստեղծմանը՝ ագրեսիայի և անդամ պետությունների դեմ ցանկացած ուժային ակցիայի դիմակայելու համար:
Այս խնդիրը լուծելու համար կողմերն իրենց ջանքերն ուղղելու են հավաքական անվտանգության ուժերի և միջոցների հետագա զարգացմանը, ռազմա-տեխնիկական և ռազմա-տնտեսական համագործակցությունը կատարելագործելուն:
Հայտարարության մեջ նշվում է, որ միութենական հարաբերությունների հետագա խորացմանը կնպաստի ՀԱՊԿ անդամ պետությունների տարածքներում ռազմական ենթակառուցվածքային օբյեկտների մասին 2011թ. դեկտեմբերի 20-ին ստորագրված արձանագրության ուժի մեջ մտնելը:
ՀԱՊԿ-ը ռազմա-քաղաքական միություն է, որը ստեղծվել է 1992 թվականին ձեռք բերված Հավաքական անվտանգության պայմանագրի հիման վրա: Դաշինքի կազմում են Հայաստանը, Բելառուսը, Ղազախստանը, Ղրղըզստանը, Տաջիկստանն ու Ռուսաստանը: ՀԱՊԿ-ի անդամ էր նաև Ուզբեկստանը, որը, սակայն, ՀԱՊԿ-ից դուրս եկավ:
