Գերմանիան պահանջում է, որպեսզի Facebook սոցիալական ցանցը փոխի անվտանգության կանոնները՝ թույլ տալով օգտատերերին չնշել իրական անունները:
Շլեզվիգ-Հոլշտեյնի տվյալների պաշտպանության գործակալությունը հայտարարում է, որ Facebook-ի քաղաքականությունը խախտում է Գերմանիայի օրենսդրությունը, որի համաձայն՝ մարդիկ իրավունք ունեն համացանցում կեղծանուն օգտագործել:
Գործակալությունը հրապարակել է վճիռը, ըստ որի՝ պահանջում են, որպեսզի Facebook-ն անհապաղ թույլ տա մարդկանց օգտագործել կեղծանուններ:
Facebook-ն ասում է, որ առավելագույն ջանքեր կգործադրի, որպեսզի թույլ չտա դա, և պնդում է, որ կայքի քաղաքականությունը համապատասխանում է տվյալների պաշտպանության եվրոպական չափանիշներին:
Վայհերթը կեղծանուններ կիրառելու հնարավորությունը թույլատրելի է համարել, քանի որ մարդիկ կարող են օգտվել սոցիալական կայքից՝ առանց հետևանքներից վախենալու: Նա նաև հավելել է, որ սոցիալական ցանցի վաղեմի քաղաքականությունը, որը պահանջում է անունները մատնանշել, ոչ մի կերպ չի խանգարել մարդկանց վիրավորել մյուսներին կամ գողանալ անձնական տվյալները:
Այս գործակալությունը առաջինն է պայքար սկսել Facebook-ի դեմ, և եթե այն հաջողվի, ապա շուտով նրանց կհետևեն շատերը: Սոցիալական կայքը այժմ երկու շաբաթ ունի, որպեսզի բողոքարկի գործակալության վճիռը դատարանում:
