Տարածաշրջանային հետազոտությունների կենտրոնը (ՏՀԿ) Հայաստանում Մեծ Բրիտանիայի դեսպանատան աջակցությամբ անցկացրեց հանրային քննարկում՝ նվիրված վերջերս կայացած ՆԱՏՕ-ի գագաթնաժողովին՝ Հայաստանի և Հարավային Կովկասի վրա դրա ազդեցության շեշտադրմամբ։ Միջոցառմանը ելույթներով հանդես եկան Հայաստանում Մեծ Բրիտանիայի դեսպան Քեթի Լիչը, Վրաստանում ՆԱՏՕ-ի ներկայացուցչական գրասենյակի ղեկավար Ուիլիամ Լահյուն, ՀՀ Ազգային ժողովի պաշտպանության, ազգային անվտանգության և ներքին գործերի մշտական հանձանաժողովի նախագահ Կորյուն Նահապետյանը, ՏՀԿ ավագ փորձագետ Դավիթ Շահնազարյանը և ՏՀԿ տնօրեն Ռիչարդ Գիրագոսյանը։
Վրաստանում ՆԱՏՕ-ի ներկայացուցչական գրասենյակի ղեկավար Ուիլիամ Լահյուն ասաց, որ Ուելսյան գագաթնաժողովի նվաճումը մտածողության փոփոխությունն էր, որը տեղի ունեցավ Ռուսաստանի ագրեսիայի հետևանքով: Ըստ նրա՝ Ռուսաստանի ագրեսիան ֆունդամենտալ կերպով փոխել է այն ընկալումը, որը ՆԱՏՕ-ի գործընկերներն ունեին սպառնալիքների վերաբերյալ: «Մինչ ուկրաինական զարգացումները նախատեսվում էր, որ գագաթնաժողովը նվիրված է լինելու Աֆղանստանին»,- ասաց նա: Նա նշեց, որ ՆԱՏՕ-ի գագաթնաժողովի նշանակալի որոշումներից մեկն այն էր, որ պետք է ՆԱՏՕ-ի արագ արձագանքման ուժեր լինեն, որոնք կարող են օգնել պահպանել զգոնությունը ՆԱՏՕ-ի համար՝ թույլ տալով ՆԱՏՕ-ին օպերացիոն կարողություններն իրացնել առանց ընդհատման, որը ոչ միայն ՆԱՏՕ անդամների համար է նախատեսված, այլև դաշնակիցների համար, և նրանց գործունեությունը մատչելի պետք է լինի:
Առաջարկում ենք մանրամասներին ծանոթանալ տեսանյութի միջոցով:
