Չիտայում հայկական մշակույթի օրերն ավարտվել են տոնական համերգով: Հայազգի բանաստեղծների բանաստեղծություններն ու կոմպոզիտորների երաժշտությունը մեծ արձագանք են գտել Զաբայկալյեի բնակիչների մոտ: Այս մասին հայտնոմ է chita.rfn.ru-ը:
Կայքը գրում է, որ բավականին երկար ժամանակ Անդրբայկալում բնակվող հայ ջութակահար Գրիգոր Վարդանյանի երաժշտությունը վառ օրինակն է այն բանի, որ արվեստը սահմաններ չի ճանաչում: Այդ իսկ պատճառով տոնական համերգը սկսել են նրա ջութակի ձայնով: Անդրբայկալի հայերի միությունում տաղանդավոր հայրենակիցներով շատ են հպարտանում: 2003 թվականին, երբ տարածաշրջանում առաջին անգամ անցկացվեցին հայկական մշակույթի օրեր, համերգին հրավիրվել էին հայաստանաբնակ արտիստներ, իսկ այժմ ելույթ են ունենում տեղի հայերը:
«Մենք ձգտում ենք հրավիրել բոլորին, ոչ միայն հրեական սփյուռքին, ոչ միայն գերմանացիներին, այլև բաշկիրներին և սփյուռքի այլ ներկայացուցիչների: Մեր ընտանիքը մեծ է և համերաշխ: Եվ դա շատ կարևոր է, քանի որ Անդրբայկալը ցուցադրական տարածաշրջան է, որտեղ միասին համերաշխ ապրում են այդքան շատ ազգությունների ներկայացուցիչներ»,- ասել է Անդրբայկալի հայերի միության նախագահ Վլադիմիր Մարկոսյանը:
«Շարան» և «Մայրո» պարերը ռիթմիկ են. հանդիսատեսին տրվել է ոչ միայն դիտելու, այլև պարելու հնարավորություն: Հանրության համար կազմակերպվել է վարպետության դաս, որի ժամանակ ներկայացվել են արվեստի նրբությունները:
Հայկական մշակույթի օրերն ավարտված են, սակայն նման հանդիպումների համար առիթներ դեռ շատ կան:
