Ինքնահռչակ Դոնեցկի ժողովրդական հանրապետության վարչապետ Ալեքսանդր Զախարչենկոն հայտարարել է, թե հաջորդ շաբաթ տեղի կունենա եռակողմ կոնտակտային խմբի (Ուկրաինա, ԴԺՀ և ԼԺՀ, ԱՀԿ) մասնակիցների նոր հանդիպումը, հաղորդում է «Ինտերֆաքսը»։
«Նախնական պայմանավորվածությամբ` յոթ-ութ օր հետո նորից ենք հանդիպելու։ Նրանք այդ ընթացքում պետք է իրենց ցանկությունները հայտնեն։ Ըստ նախնական պայմանավորվածության՝ լինելու է ընդլայնված խումբ։ Ուկրաինայի նախագահի աշխատակազմից պիտի մարդիկ գային։ Ազգանունները դեռ չգիտեմ. համաձայնեցման ընթացքում է։ Դոնեցկ-Լուգանսկից ամեն դեպքում կլինի Պուրգինը, Կարյակինը։ Երբ հասկանանք, թե ով կլինի Ուկրաինայի կողմից, այն ժամանակ կտեսնենք՝ կա’մ ես, կա’մ ես այնտեղ պարզապես չեմ գնա։ Ռուսաստանից՝ Զուրաբովը»,- ասել է Զախարչենկոն «Կոմերսանտ FM» ռադիոկայանի եթերում։
Նրա խոսքով՝ ԼԺՀ և ԴԺՀ ղեկավարները նախատեսում են համաձայնագրի մեջ կետ մտցնել Ուկրաինայից իրենց անկախություն տալու մասին։
Սեպտեմբերի 5-ին Մինսկում կայացած բանակցությունների ընթացքում Կիևի, ԴԺՀ-ի, ԼԺՀ-ի և ԵԱՀԿ-ի ներկայացուցիչները հասել են մի շարք պայմանավորվածությունների, մասնավորապես՝ մարտական գործողությունների դադարեցման և գերիների փոխանակման մասին։
