ԱՄՆ-ն քննարկում է Ռուսաստանի դեմ Ուկրաինայի իրադրության պատճառով լրացուցիչ պատժամիջոցների կիրառումը, ճեպազրույցում հայտարարել է պետդեպարտամենտի ներկայացուցիչ Ջեն Փսակին, գրում է RIA Novosti-ն:
«Մենք լրացուցիչ հնարավորություններ և պատժամիջոցներ ունենք, որոնք կարող ենք գործի դնել: Հաջորդ շաբաթ դա քննարկելու հնարավորություն կունենանք»,- հայտարարել է պետդեպարտամենտի ներկայացուցիչը:
Ընդ որում, Փսակին չի տեղեկացրել, թե երբ կկայացվի որոշումը:
«Դա կքննարկվի համաշխարհային հանրության հետ»,- ասել է նա:
Ռուսաստանի և արևմուքի հարաբերությունները վատացել է Ուկրաինայի իրադրության հետ կապված: Հունիսի վերջին ԵՄ-ն և ԱՄՆ-ն ռուսական տնտեսության դեմ պատժամիջոցներ են կիրառել: Ի պատասխան Ռուսաստանը սահմանափակել է երկիր սննդամթերքի ներկրումը: Արգելքի տակ են հատնվել տավարի, խոզի, թռչնի միսը, երշիկեղենը, ձուկը, բանջարեղենն ու մրգերը, կաթնամթերքը և մի շարք այլ սննդամթերքներ:
