Ամերիկացի լրագրող Ջեյմս Օ’Քիֆը որոշել է սեփական փորձով ստուգել, թե որքանով են իրականությանը համապատասխանում ամերիկացի քաղաքական գործիչների հայտարարությունները սահմանի անվանգության մասին: Ալ-Քաիդայի առաջնորդ Բեն Լադենի հագուստով նա երկու անգամ անարգել անցել է պետական սահմանը, հաղորդում է The Daily Mail-ը:
Իր փորձի համար Օ’Քիֆը ընտրել է ԱՄՆ-ի և Մեքսիկայի միջև սահմանը: Լրագրողը երկու անգամ անցել է Ռիո Գրանդե գետը, որը բաժանում է երկու պետությունները: Առաջին անգամ նա սովորական հագուստով է եղել, իսկ երկրորդ անգամ Ուսամա բեն Լադենի զինվորական համազգեստով և դիմակով:
«Նախագահ Օբաման փորձում է հերքել ակնհայտը: Մենք ապացուցել ենք, որ սահմանների անվտնագությունը ազգային անվտանգությունն է: Պարիսպը ամբողջական չէ: Մեր տեսանյութը ցույց է տալիս, որ դա կատակ է: Սահման կատարած մեր մեկ այցով ցույց ենք տվել, որ նախագահ Օբաման և Կոնգրեսը տապալվել են և մոլորության մեջ են պահում Ամերիկային»,- հայտարարել է լրագրողը:
Իր հերթին ԱՄՆ-ի սահմանապահները հայտարարել են, որ շատ ծանրաբեռնված են աշխատում և միաժամանակ չեն կարող լինել բոլոր տեղերում:
