Օսկարակիր ռեժիսոր Օլիվեր Սթոունը Facebook-ում հայտարարել է, թե հեգեմոնիան, որին ձգտում է Միացյալ Նահանգները, ոչ նրա, ոչ մնացած աշխարհի բնակիչներին լավ բան չի խոստանում, գրում է korrespondent.net-ը:
Նա նախազգուշացրել է ամերիկացիներին, որ Արևելյան Եվրոպայի գործերին ագրեսիվ միջամտությունը կարող է Ամերիկայի համար ողբեգական ավարտ ունենալ:
«Ես ատում եմ ցանկացած ձևի սարսափ սերմանելուց, սակայն ես այժմ վախեցած եմ: Հնարավոր չէ լուռ մնալ՝ հետևելով աշխարհով մեկ տարածված այս արհավիրքի դանդաղեցված տեսագրությանը: «Կատաղած շուն» Նեթանյահուն Գազայում բարբարոսական արյունահեղությամբ շարունակում է քաղաքակիրթ աշխարհում փչացնել ԱՄՆ-ի հեղինակությունը: Ճիշտ է, դա չի ստիպի ԱՄՆ-ին հետ կանգնել ճակատագրական ճանապարհից, որը դեպի Արևելյան Եվրոպա է տանում: Անցած շաբաթ Օբաման իր քննադատներին հայտարարել է. «Ակնահայտ է, որ մարդիկ մոռացել են, որ Ամերիկան, որպես Երկրի ամենաուժեղ պետություն, դեռևս ամբոջ աշխարհը չի վերահսկում»: Շատ քաջ, համարձակ հայտարարություն է, եթե մտածենք: Այդ երբվանի՞ց է համաշխարհային գերակայությունը ԱՄՆ-ի պետական քաղաքականություն դարձել: Կարծում եմ, 1991-ից սկսած, երբ տապալվեց կոմունիզմը, սակայն այժմ, երբ դիմակները պատռված են, մենք, որպես աշխարհի քաղաքացիներ, այլ ոչ միայն ամերիկացիներ, պետք է այս նոր իրականության հետ ինչ որ բան անենք: ԱՄՆ-ն ցանկանում է վերահսկել աշխարհը, և մենք չենք դադարեցնում Ռուսաստանի, Չինաստանի և Իրանի ազդեցությունը թուլացնելու փորձերը: Եվ այդ նպատակով ցանկացած միջոց կօգտագործենք՝ նույնիսկ պատերազմը»,- գրել է Սթոունը:
Ռեժիսորը խորհուրդ է տալիս ընթերցողներին հիմնվել այնպիսի լրագրողների կարծիքի վրա, ինչպիսիք են Պեպե Էսկոբարը և Ռոբերտ Պերին, ինչպես նաև պատմաբան Սթիվեն Քոենին, ովքեր անկախ տեղեկատվություն են տալիս այն մասին, թե ինչ է այժմ կարատվում Ուկրաինայի արևելքում:
