Արագընթաց չինական գնացքները ստիպված են դանդաղեցնել ընթացքը անվտանգության համակարգի կողմից ծխախոտի ծխի ֆիքսման պատճառով: Օրինախախտները պատժվում են տուգանքով: Այս մասին գրում է RIA Novosti-ն:
Դեկտեմբերի 1-ին Չինաստանը հայտարարել է երկրի հյուսիս-արևելքում երկաթուղու շահագործման մեկնարկի մասին: Այդ երկաթուղով գնացքները կարող են մինչև 350 կմ/ժամ արագություն զարգացնել մինչև 40 աստիճան ցրտի պայմաններում: Աշխարհում ջերմաստիճանի նման պայմաններում արագընթաց այլ երկաթուղի գոյություն չունի:
Աշխատանքի առաջիկա մի քանի օրերին տրանսպորտային զարկերակը, որը միացնում է Չինաստանի հյուսիսարևելյան մարզերը, բախվել է փորձության՝ ծխելու հանդեպ չինացիների տածած կրքին: Անվտանգության համակարգի կողմից սրահում ծխախոտի ծխի ֆիքսման դեպքում արագությունը 200-ից ընկնում է 120 կմ/ժամի:
Արդեն մի քանի մարդ է տուգանվել: Տուգանքի չափը կազմում է 200 յուան (մոտ 32 դոլար):
