Երևանի նախկին փոխոստիկանապետ Ռոբերտ Մելքոնյանը Facebook-ի իր էջում գրել է
Այ քեզ բան, հիմա էլ շատերը հանրապետականին մեղադրում են արտահերթ նիստը տապալելու համար: Իզուր մի մեղադրեք, ինչ ժամանակին ցանել եք, հանգիստ հնձեք հիմա…
Մեծ հաշվով, արտակարգ քաղաքական գիտելիքներ պետք չէ ունենալ, որպեսզի հասկանաք, որ այդ քննարկումները, արտահերթ նիստը որոշ կուսակցություններ ուզում են օգտագործել հերթական անգամ ՀՀԿ-ին, իշխանություններին նախընտրական «քլնգոցի»ենթարկելու համար: Իսկ ինչ է հարյուր տոկոս համամասնականին անցնելու դեպքում օլիգարխները, գործարարները, պատեհապաշտները, կուսակցական«առնետավազքի» մասնագետները, մյուսները չե՞ն կարող կուսակցությունների ցուցակով պատգամավոր դառնալ: Իհարկե, շատ հանգիստ կանցնեն, այդ դեպքում նպատա՞կը այս ամենի, ինչո՞ւ հենց հիմա, հապշտապ, նախագահական ընտրություններից երկու-երեք ամիս առաջ…
Պարզ է, գիտեք, որ նախագահականին չեք կարող մասնակցել, իրական մրցակից չեք, իսկ քաղաքական դիմագիծն էլ չեք ուզում կորցնել, ժողովրդին էլ միաժամանակ ուզում եք ցույց տալ, որ դեռ ինչ-որ բան կարող եք անել: Հայաստանը երեւի միակ պետությունն է աշխարհում, ուր այսքան Վենետիկով-Մենետիկով, տարաբնույթ հանձնաժողովներով, քննարկումներով հազար անգամ ընտրական օրենսգիրք է փոխվել…
Էլ ո՞ւր, վե՞րջը…
Այս ամենը ինձ հիշեցնում է և՛ կույս մնալու, և՛ հաճույք ստանալու հանրահայտ պատմությունը…
