Գերմանացի թոփ-մոդել Հայդի Քլումը, որն օրերս նշել է իր 41-ամյակը, համաձանվել է ցուցադրել իր մերկ մարմինը՝ հանուն բարեգործության: Այս մասին հայտնում է viva.ua-ն:
Հայտնի գեղեցկուհին լուսանկարվել է amfARTote նոր պայուսակի գովազդի համար, որի հեղինակը հայտնի մոդելավորող Ժան Պոլ Գոտյեն է: Ոճային պայուսակը, որը գովազդային լուսանկարում ծածկում է մոդելի բոլոր «բարեմասնությունները», ստեղծվել է հատուկ amfAR բարեգործական կազմակերպության համար, որը միջոցներ է հավաքում ՁԻԱՀ-ի դեմ պայքարի համար:
«Հիացած եմ այդ հրաշալի պայուսակով, որը վաճառքի է հանվել հունիսի 1-ին,- ասել է Հայդին:- Այդ ոճային պայուսակների վաճառքից ստացված ամբողջ գումարը կփոխանցվի amfAR-ի հաշվին»:
