Թուրքիայում ահաբեկչության հետևանքով մեկ մարդ է զոհվել: Այս մասին հայտնում է Reuters գործակյալությունը:
Հայտնում են, որ ահաբեկչությունը տեղի է ունեցել Իրանի և Իրաքի հետ սահմանին` Հաքքարի նահանգի Սեմդինի քաղաքում: Ոստիկանության պարեկային ավտոմեքենայի կողքին ականապատ ավտոմեքենա է պայթել: Հետաքննության տվյալներով` հանցագործները ռումբ գործի են դրել հեռահար կառավարմամբ:
Ահաբեկչության զոհ է դարձել ոստիկանության ավտոմեքենայում եղածներից մեկը: Եվս 12 մարդ վիրավորվել են, նրանցից 2-ը շատ ծանր վիճակում են:
Հետաքննության վարկածով` ահաբեկչությունը կազմակերպել է Քրդական աշխատավորական կուսակցությունը (PKK):
Հիշեցնենք. PKK-ն պայքարում է քրդերի ինքնիշխանության համար: ԱՄՆ-ը և եվրոպական երկրների մեծ մասը PKK-ն համարում են ահաբեկչական կազմակերպություն:
