Առաջին անգամ իրականացվել է հետազոտություն, որի շրջանակներում համեմատվել են ԱՄՆ բոլոր նախագահների տնտեսական քաղաքականությունները:
Հետազոտության հեղինակը` Ջորջիայի տեխնոլոգիական համալսարանի պրոֆեսոր Մարկ Զաքար Թեյլորը, որպես հիմք է վերցրել տնտեսական վերլուծության վերջին տվյալներն ու յուրաքանչյուր նախագահի գնահատել ութ կարևոր չափանիշներով:
Սպիտակ տան յուրաքանչյուր սեփականատեր համապատասխան գնահատական էր ստանում ըստ դպրոցական համակարգի` АF-ից (5+) մինչև а F (1-): Վերլուծվել են 1789 -2009 թթ. տվյալները:
Հետազոտությունը մի շարք անսպասելի արդյունքներ է բացահայտել: Բանն այն է, որ ստացված տվյալները չեն համընկել ամեն օր հրապարակվող` նախագահների վարկանիշի մասին տվյալների հետ, որոնք կազմվում են հանրային հարցումների միջոցով:
Այսպես, օրինակ, այն նախագահները, որոնց ընդունված է համարել հաջողակ` Աբրահամ Լինքոլն, Էնդրյու Ջեքսոն և Ջոն Քվինս Ադամս, անկարող են եղել տնտեսական բնագավառում: Նրանցից յուրաքանչյուրը զրո է ստացել:
Գերազանցիկները և լավ ստացողները հիմնականում միջին խավից են ծնունդ առլ և մեծ կարևորություն են տվել բիզնեսի շահերին: Նրանց կառավարման տարիներին ռազմական հակամարտություններ են եղել: Ծույլիկները եղել են հասարակության ստորին խավի ներկայացուցիչներ, նրանց կուսակցությունների խաղադրույքը եղել է ֆերմերների շահերի պաշտպանության, վարձու աշխատողների կամ պառողների շահերի համար:
Լավագույն նախագահների ցուցակում են հայտնվել Ֆրանկլին Ռուզվելտը, Ուորեն Հարդինգը, Ռատերֆորդ Հեյսը և Ուիլյամ Մաքինլին:
Վատագույն արդյունքները Հերբերտ Գուվերայինն ու Մարտին Վան Բյուրենինն են:
ԱՄՆ-ի վերջին տասնամյակների ղեկավարները գնահատվել են հետևյալ կերպ` Լինդոն Ջոնսոնը, Ռոնալդ Ռեյգանը, Բիլ Քլինթոնը, Ջոն Քենեդին ստացել են B (չորս), Ջորջ Բուշ-ավագը` B-/C+ (4- և 3+-ի միջև), Ռիչարդ Նիքսոնը ստացել է C+ (3+), Ջերալդ Ֆորդը` С (3), Ջորջ Բուշ-կրտսերը և Ջիմի Քարթերը` D (2)
Հետազոտության վերաբերյալ հոդվածը հրապարակվել է PS Political Science & Politics ամսագրում:
