ԱՄՆ-ի Ֆինանսների նախարարությունը կանխատեսում է, որ երկրի պետական պարտքը կանցնի սահմանված 16,4 տրիլիոնի չափը արդեն 2012թ-ի վերջում` հաղորդում է Bloomberg-ը:
Այժմ վարչությունը պլանավորում է հաջորդ շաբաթ վաճառքի հանել պետական արժեթղթերը՝ ընդհանուր 72 մլրդ դոլարի արժողությամբ: Նոյեմբերի 6-ին նաև աճուրդ է հայտարարվել երեքամյա փաստաթղթերի վաճառքի համար, որի ընթացքում նախատեսվում է հավաքել 32 մլրդ դոլար, նոյեմբերի 7-ին` տասնամյա արժեթղթերի վաճառքի օրն է, որից սպասվում է հավաքել 24 մլրդ դոլար, իսկ նոյեմբերի 8-ին կվաճառվեն երեսունամյա արժեթղթեր, որոնց ընդհանուր արժեքը 16 մլրդ դոլար է:
Ամերիկյան ֆինանսների նախարարության հայտարարության մեջ նշվում է, որ հնարավոր է, «արտակարգ միջոցառումներ» ձեռք առնվեն, որպեսզի կառավարությունը կարողանա կատարել իր պարտականությունները մինչև 2013թ-ը:
2013թ-ի հունվարին ԱՄՆ-ն կարող է հանդիպել բյուջետային պակասուրդի, որը նշանակում է ծախսերի և հարկային արտոնությունների ավտոմատ կրճատում: Դա կարող է այն դեպքում տեղի ունենալ, եթե նախագահի կառավարությունը և կոնգրեսը հասնեն բյուջետային պակասուրդի կրճատման համաձայնության:
