Վրաստանի վարչապետ Իրակլի Ղարիբաշվիլիի գնահատամամբ՝ ԵՄ հետ ասոցացումը Վրաստանի համար ոչ միայն քաղաքական ու տնտեսական դրական ազդեցություն կունենա, այլև բարերար ազդեցություն կթողնի յուրաքանչյուր մարդու կյանքում: Այս մասին գրում է «Գրուզիա Օնլայն»-ը:
«Մի քանի շաբաթ անց մենք կստորագրենք համաձայնագիրը և կդառնանք ԵՄ-ի ասոցացված անդամներ, ինչը Վրաստանի համար ոչ միայն քաղաքական ու տնտեսական դրական ազդեցություն կունենա, այլև բարերար ազդեցություն` յուրաքանչյուր մարդու կյանքում: Շատ շուտով մեր քաղաքացիները կկարողանան առանց այցագրի այցելել եվրոպական երկրներ, ինչը կհեշտացնի Եվրոպայում գտնվող իրենց մերձավորների հետ շփումները: Մեր երիտասարդներին ավելի հեշտ կլինի այնտեղ ուսման մեկնել, մեր գործարարների համար ավելի հեշտ կլինի իրենց արտադրանքը արտասահման տանել»,- հայտարարել է Իրակլի Ղարիբաշվիլին:
