Լիբիական նախկին առաջնորդ Մուամար Քադաֆին կարող է սպանված լինել ֆրանսիական հատուկ ծառայության գործակալի կողմից. այսպիսի եզրակացության են հանգել Տրիպոլիում դիվանագիտական ներկայացուցչությունները, տեղեկացնում է իտալական Corriere della Sera թերթը:
Հրատարակչությունը նշում է, որ Քադաֆիի սպանության պաշտոնական վարկածը վաղուց է կասկածանք առաջացնում շատ լիբիացիների մոտ, միաժամանակ ուշադրություն հրավիրելով այն հայտարարության վրա, որն արել է հայտնի քաղաքագետ Մահմուդ Ջաբրիլը, ով Քադաֆիի մահվան ժամանակ Անցումային ազգային խորհրդում զբաղեցնում էր գործադիր կոմիտեի ղեկավարի պաշտոնը, իսկ հուլիսյան խորհրդարանական ընտրություններից հետո հավակնում էր վարչապետի պաշտոնին: Ինչպես նշում է Ջիբրաիլը, Քադաֆիին սպանել է օտարերկյա գործակալ, որը «խառնվել էր հեղափոխականներին»:
Ինչպես գրում է Corriere della Sera-ն, լիբիական արևմտյան դիվանագիտական ներկայացուցչությունների շրջանակներում ավելի շատ տարածված է այս հարցի կապակցությամբ ոչ պաշտոնական կարծիքը, որ եթե Քադաֆիին իրոք օտարերկրացի է սպանել, ապա դա «ֆրանսիական գործակալ է եղել»: Թերթի կարծիքով՝ դա հաստատում է այն փաստը, որ Լիբիայում ՄԱԿ-ի կողմից Քադաֆիի դեմ անցկացված միջոցառումից հետո նա նշել է, որ կհրապարակի 2007 թվականին Նիկոլա Սարկոզիի նախընտրական քարոզարշավի բազմամիլիոնանոց ֆինանսավորման մասին: Սարկոզին հնարավորինս շուտ գնդապետին լռեցնելու իր պատճառներն ուներ:
«Քադաֆին արբանյակային հեռախոսով փորձում էր կապ հաստատել Սիրիա փախած իր հավատարիմ մարդկանց հետ:
Եվ հենց Սիրիայի նախագահն էլ Քադաֆիի հեռախոսահամարը հանձնել է ֆրանսիական հատուկ ծառայություններին: Դրա փոխարեն Փարիզը Ասադին խոստացավ Սիրիայի վրա ցուցարարների դեմ բռնություն գործադրելու համար միջազգային ճնշումները թուլացնել»,- գրում է թերթը:
Corriere della Sera-ն նշում է, որ ՆԱՏՕ-ի համար Քադաֆիի հեռախոսի գտնվելու վայրը ճշտելը դժվար չէր, որը և կարող էր հանդիսանալ լիբիական բռնակալի ողբերգական ավարտի առաջին քայլը:
