Սիրիայի կառավարությունը սկսել է իրականացնել «Մեծ Դամասկոս» նախագիծը,- հաղորդում է կատարյան Al-Jazeera հեռուստաալիքը:
Ըստ այդ տեղեկության՝ նախագծի իրականացման շրջանակներում Դամասկոսի որոշ հատվածներում արդեն սկսել են տներ քանդել: Սիրիայի ընդդիմությունը կարծում է, որ իշխանությունները դա անում են, որպեսզի թաքցնեն հրետակոծության ժամանակ բնակելի տներին հասցված վնասը: Սակայն իշխանությունները պնդում են, որ նախագծի իրականացումը վաղուց է սկսվել, և բնակարանաշինության նախարարությունը այդ ուղղությամբ ակտիվ աշխատանքներ է իրականացնում:
Սիրիայում 2011 թ. մարտից շարունակվում է իշխանությունների և ընդդիմության միջև զինված դիմադրությունը, որի հետևանքով, ՄԱԿ-ի տվյալների համաձայն, զոհվել է շուրջ 21 հազար մարդ:
